مسرحية الحرية دوت كوم كاملة تمثيل طلبة حقوق طنطا

كواليس بروفات انهم لا يأكلون البيتزا ومرح من النجم مينا مجدى

حفل توزيع جائزه توفيق الحكيم بالمجلس الاعلى للثقافة

مسرحية الحرية دوت كوم بمسرح العائم مهرجان التجارب النوعية (ثورة يناير)

مسرحية مجانين على السطوح كاملة للكاتب احمد حسن البنا

مسرحية الحرية دوت كوم للكاتب احمد حسن البنا ج 10 الاخير

مسرحية الحرية دوت كوم للكاتب احمد حسن البنا ج 9

مسرحية الحرية دوت كوم للكاتب احمد حسن البنا ج 8

مسرحية الحرية دوت كوم للكاتب احمد حسن البنا ج 7

مسرحية الحرية دوت كوم للكاتب احمد حسن البنا ج 6

مسرحية الحرية دوت كوم للكاتب احمد حسن البنا ج5

مسرحية الحرية دوت كوم للكاتب احمد حسن البنا ج4

مسرحية الحرية دوت كوم للكاتب احمد حسن البنا ج3

مسرحية الحرية دوت كوم للكاتب احمد حسن البنا ج2

مسرحية الحرية دوت كوم للكاتب احمد حسن البنا ج1

مسرحية مجانين على السطوح للكاتب احمد حسن البنا

مسرحية البحث عن سعيد ابو النجا للكاتب احمد حسن البنا ج 4

مسرحية البحث عن سعيد ابو النجا للكاتب احمد حسن البنا ج3

مسرحية البحث عن سعيد ابو النجا للكاتب احمد حسن البنا ج2

مسرحية البحث عن سعيد ابو النجا للكاتب احمد حسن البنا ج 1

الحرية دوت كوم - ثورة شباب مصر تحصل على جائزة كتاب الجمهورية

بفضل الله حصلت مسرحيتى الحرية دوت كوم - ثورة شباب مصر على المركز الثالث فى مسابقة كتاب الجمهورية وتم تسليم

الجوائز فى حفل بمقر جريدة الجمهورية يوم 9-2-2011 فى حضور الاستاذ خالد بكير رئيس مجلس الادارة

قريبا على المدونة وبالأسواق مسرحية إنهم لا يأكلون البيتزا

حفل توزيع جوائز توفيق الحكيم بالمجلس الاعلى للثقافة بالاوبرا

بفضل الله حصل نص البحث عن سعيد أبو النجا على المركز الأول فى مسابقة توفيق الحكيم والتى اقامها المركز القومى للمسرح وكانت لجنة التحكيم الدكتور هانى مطاوع والدكتور حسن عطية والاستاذ كرم النجار وقد حضر حفل تسليم الجوائز الاستاذ الدكتور شاكر عبد الحميد وزير الثقافة وقد ابدى سعادته بنتيجة المسابقة وطالب باقامتها كل ستة أشهر بدلا من كل عام ووافق على التعاقد معنا بالبيت الفنى لانتاج النصوص الفائزة على مسارح الدولة وقد ابدى الدكتور هانى مطاوع اعجابه وحماسه للبحث عن سعيد ابو النجا وقرر انتاجه على مسرح فرقة الغد من اخراجه ولى عظيم الشرف بالحصول على الجائزة وهى اول جائزة احصل عليها بعد ثورة يناير التى تناولها النص ببعد انسانى وقد قال الدكتور هانى مطاوع عن النص انه نص للوهله الاولى تظنه مباشر عن الثورة ولكن بعد القراءة تجد انه غير مباشر ويغوص فى قلب مشكلة نقف امامها متأملين وليس نصا (بروباجندا) عن الثورة بل يضع المتفرج فى حالة مسرحية متفردة وتلك شهادة اعتز بها على المستوى الشخصى من عملاق المسرح فى مصر ... الجدير بالذكر ان النص سيتم طباعته من قبل وزارة الثقافة مع باقى النصوص الفائزة ...وشكرا لكل من ساند اقلام المسرح الشابة لاثبات مكانتها ومن يتحدث عن ازمة النصوص فى مصر ارجوه ان يقرأ مسرح الجيل الحالى قبل ان يردد مقولات لا اساس لها من الصحة .. فقط امنوا بأن الشباب قادر على الابداع كما فعلت وزارة الثقافة بمنحنا الفرصة وقرأوا النصوص ووجدوا بها الابداع والتميز ...شكرا الاستاذ ناصر عبد المنعم رئيس البيت الفنى على رعايتك للمسابقة وشكرا لجنة التحكيم الموقرة فقد اعطيتمونا ثقة كنا نبحث عنها

خالص تحياتى

احمد حسن البنا

لينك فيديو الحفل

http://youtu.be/ddMZNu6jufI

نص البحث عن سعيد ابو النجا - يحصل على المركز الاول بمسابقة توفيق الحكيم

حصلت مسرحيتى

البحث عن سعيد ابو النجا

على المركز الاول بمسابقة المركز القومى للمسرح (مسابقة توفيق الحكيم) والجدير بالذكر ان النص كان على وشك الطباعة قبل شهور مع نص الحرية دوت كوم فى كتاب واحد اسمه (ثورة شباب مصر ) ولكن تم تأجيل الطباعة او النشر لحين ظهور نتيجة المسابقة وسيتم طباعته حاليا ليكون بالاسواق قريبا مع النص الاخر للثورة (الحرية دوت كوم)

وسيتم انتاج النص بالبيت الفنى للمسرح وسيتم نشر النص بجريدة مسرحنا العدد القادم

شكرا لكل من ساهم فى نجاحى ووقف بجانبى

احمد حسن البنا

مجانين على السطوح فى دمنهور ..اجزاء من العرض

على مسرح رعاية طلبة دمنهور قامت فرقة كامب بتقديم العرض المسرحى ( مجانين على السطوح) النص من تأليفى ومن اخراج المخرج الشاب محمد الدقاق ... النص كوميدى سياسى من فصل واحد والجدير بالذكر ان النص تجرى بروفاته حاليا فى برج العرب بالاسكندرية وفرق اخرى سكندرية تمهيدا لعرضه بالمركز الثقافى الفرنسى وهذه بعض المقاطع من العرض اتمنى ان تنال اعجابكم

خالص تحياتى
احمد حسن البنا

مقال الدكتورة والناقدة الكبيرة وفاء كمالو عن نص الحرية ..ثورة شباب مصر بجريدة مسرحنا

مقال الدكتورة وفاء كمالو عن الحرية دوت كوم ..بجريدة مسرحنا العدد الحالى ..شكرا دكتورة وفاء على روعة ماكتبتى وكلى لهفة وانتظار لرأيك فى النص الذى لم يأخذ حقه بعد نص يوم التلات الساعة خمسة الذى تنبأ بالثورة وطبع قبل قيامها بشهرين ..ولم يكن هناك وقت لطرحه بالاسواق لما اصاب البلاد من تفكك ولكن انا الان مطمئن لانه بين يديك وستخلدى حقوقى واسبقيتى فى رؤية الثورة والتنبؤ بها مسرحيا قبل قيامها فى وقت اتهمنا النقاد كمسرحيين بغيابنا عن التنبؤ بالثورة والتمهيد لها فى كتاباتنا وانا اقولها لمن يشكك فى شباب الكتاب اقرأوا لنا اولا قبل ان تتهمونا بالغياب عن الساحة ...فقد كتبنا ولم يقرأ احد منكم ايها النقاد ...كتبت مجانين على السطوح وكان بها الثورة واخر مشاهدها كانت ثورة على سطوح مصر وكتبت يوم التلات الساعة خمسة وكانت هى سيناريو ثورة 25 يناير بالضبط ولم تقرأوا ...تحية للدكتورة وفاء وتحية لمسرحنا تلك الجريدة التى صنعت اسم احمد حسن بعد رعاية وتوفيق المولى

الجدير بالذكر ان النص يتم تنفيذه حاليا فى اماكن مختلفة فى مصر وعلى حسب ماعلمت وشاهدت البروفات تجرى حاليا فى الاماكن التالية

ثقافة كفر الزيات ...اخراج احمد الشورة

سياحة وفنادق جامعة المنصورة

كلية حقوق طنطا

ولم يتأكد لى بعد ثقافة بنها نوادى المسرح للفنان والمخرج الصديق تامر الجزار

وقد ذهبت لفرقة ثقافة كفر الزيات بناءا على دعوة المخرج احمد الشورة وسعدت بجلسه طويلة مع فريق العمل وطلب منى المخرج اضافة مشهد يتناول رؤيته كمخرج وبالفعل كتبت له المشهد اثناء جلوسنا واعجب به ويعمل على النص حاليا لعرضه الشهر القادم ...خالص تحياتى وامنياتى بالتوفيق للجميع

احمد حسن البنا

تحميل نص مسرحيتى الحرية دوت كوم ..نص العدد بجريدة مسرحنا العدد191

مسرحيتى( الحرية دوت كوم ثورة شباب مصر) تتصدر العدد الحالى لجريدة مسرحنا كنص للعدد المسرحية كوميدية قصيرة تتناول احداث ثورة يناير من خلال استدعاء شخصية الزعيم الراحل جمال عبد الناصر والراحل انور السادات وهما يتابعان مايحدث لمصر من خلال سحاب التاريخ الذى يقيمان به وينتقلان بالاحداث للشارع وقصر الحكم وميدان التحريرلمتابعة والتعليق على الاحداث كل حسب تياره السياسى وبالطبع لك ان تتخيل كاركتر الراحل انور السادات وكم روعته عندما يتحدث وكاركتر الزعيم جمال عبد الناصر وحزنه على القومية وحماسه الثورى اتمنى ان تنال اعجاب القراء والجدير بالذكر ان اسم المسرحية قد اخترته دون علم ان هناك اديبا قد اختار نفس الاسم لرواية من تأليفه وهو الكاتب اشرف نصر مؤلف رواية حرية دوت كوم وبالصدفة البحتة علمت بأمر التشابه فى الاسم وقد اتصلت بالاديب واخبرته باحقيته بالاسم واننى سأغير اسم المسرحية عند مثولها للطباعة ككتاب ولم يكن هناك وقت لتغيير الاسم قبل طباعتها بالجريدة المحترمة فتحية للاديب واشكره على خلقه الرفيع فى تقبل الموقف فالاسبقيه فى الاسم له وايضا للتوضيح فلا يوجد اى تشابه درامى بين الرواية والمسرحية والتشابه فى الاسم فقط..اتمنى ان تنال اعجابكم وفى انتظار اراء القراء ونقد النقاد

لينك التحميل للنص

لينك جديد

http://www.4shared.com/document/Da8i-GSh/al_horya_com_ahmed_hassan_alba.html

وروابط تحميل كل مسرحياتى متوفرة بيمين الصفحة فى الهامش ومنها

المسرحيات الكوميدية السياسية التى تتحدث عن الثورة قبل وبعد قيامها يوم 25يناير وهى مسرحيات

يوم التلات الساعة خمسة ومسرحية الحرية دوت كوم ومسرحية مجانين على السطوح

ومسرحيات انسانية مابين الكوميديا والرومانسية منها مسرحية

المنار والبحار ومسرحية السجين

ومسرحية الدراما السياسية الطويلة

الحرباية

والتى سبق عرضها على ثلاث مسارح وحصولها على سبعة جوائز بمهرجان الشركات منها جائزة التأليف

تحياتى

احمد حسن البنا

تحميل نص يوم التلات الساعة خمسة (مسرحية كوميدية تتناول حلم التغيير الذى تحقق يوم 25 يناير)

النص انتاج دار الناشر للنشر والتوزيع اكتوبر 2010رقم ايداع 22977لسنة 2010والنص به رؤية لحلم التغيير يوم التلات الساعة خمسة والذى تحقق بالفعل بعد طباعة الكتاب بشهور بثورة شباب مصر ولايظن البعض من التشابه بين النص وبعض ماجاء بالثورة اننى كنت من منظمين الثورة او من القائمين على التخطيط لها فالحق منسوب لاصحابه

ولست سوى كاتب حلم على الورق وصادف حلمه جزءا من الواقع يتحقق فى ثورة كبيرة وتحول حلم يوم التلات بالتغيير الى واقع ملموس ولم اكن سوى كاتب كتب ومواطن ثار كما كل الثائرين من اجل الحرية ومن اجل مصر

واللينك متواجد لفترة محدودة واتمنى ينال الاعجاب
المؤلف
احمد حسن البنا
لينك تحميل النص على شكل ملف بى دى اف

http://www.4shared.com/get/pIZxyWp-/nas_youm_eltalat_elsaaa_5.html

تحميل نص مجانين على السطوح

http://rapidshare.com/files/447092397/nas_maganeen_ala_elsotoh.pdf

بروفات مجانين على السطوح بمقر الغد

البروفات الأولية لمسرحيتى مجانين على السطوح من مقر حزب الغد




أغنية اوعاك تحلم احدى اغنيات العرض

نص يوم التلات الساعة خمسة حلم التغيير ورؤية للثورة قبل قيامها بشهور

النص الذى تناول مشاهد كثيرة من ثورة يناير قبل ان تحدث بشهور وتحدث عن حلم التغيير يوم التلات الذى بالفعل تحقق يوم التلات الموافق 25يناير ميعاد قيام الثورة ...متواجد حالياً بالاسواق

فاردين دراع الحب

فاردين دراع الحب
كلماتى
الحان
محمد فوزى

الاستاذ حكم قال ايه انهاردة؟

اذا غابت الشمس عن أرضك فهى حتما قد سطعت على أرض غيرك ..كذلك المرأة فلا تعبد الشمس ولا تأمن المرأة

......

إذا كنت فاقد للرجوله وتشعر بضعفك إذا رأيت رجلا فهذا ليس عيبا به ولا بك ..إنها الحياة

......

إذا بعت صديق من أجل المال فلن تشتريه بأضعاف ماجمعته من مال الصداقة لاتشترى ياجشع

.......

إن ضحكت عليك إمرأة وركبت على كتفك كالحمار فلا تعطى العشب لغيرك يأكله فأنت أولى به

.........

إن رفعك شخص على قمة المجد دون إتفاق فمن الحقارة أن تتفق على وضعه تحت الأقدام جزاء عمله

.........

إن شعرت يوما برغبتك فى عض رجل ناجح فلا تنظر للمرآة حتى لا ترى ذيلك

..........

إذا عشقت سيدة فلا تخجل من العشق وإذا كرهت تجاهلها لك فتمنى لها الخير

...........

إذا كرهت أن ترى غريمك فأنت أصغر من أن يراك هو

........

إذا عشت عمرك متقوقع داخل صندوق خشبى صغير فلا تحكم على الكون لأن عقلك لم يعرفه بعد

...............

إذا ظننت أنك قادر على عزومة قطة فى الميريديان فيجب عليك أن تعرف مكانه أولا وإلا ستصبح فضيحة

الاستاذ حكم

..........

الاستاذ حكم

سألنى صديق ماذا ستكتب هذا العام أيها الكاتب فأجبت سأكتب كتابى ..فتعجب وقال أهى مسرحية جديدة أيها الأديب قلت لا إنها رغبة قديمة

...................

وهبت حياتى لهم كما الأشجار ..ألقونى بحجارتهم فألقيتهم بثمارى ويالا العجب العجاب ..أبكتنى حجارتهم وأشبعتهم ثمارى

...................

كما أن الفرح لا يولد فى المآتم كذلك الإبداع لايولد وسط البهائم ومن خلف نظارتى أعلنها للمدى الباكى لا عزاء فى مأتمى ولا عقل عند بهائمى

...................

الماضى والحاضر والمستقبل

الماضى عشق الشيوخ ودوما يتذكرونه بكلمة - كان ياما كان

والمستقبل عشق الأطفال ويحلمون بكلمة - غدا سوف أكون

أما الحاضر فهو بحر غرق به الشباب وليس لهم حياة ليتكلمون

مسرحية الحرباية - فيديو

مسرحية الحرباية
العرض الذى تم تصويره فى مسرح الانتاج الحربى بمدينة السلام فى حضور السيد الوزير الدكتور سيد مشعل وزير الدولة للانتاج الحربى

اتمنى لكم مشاهدة ممتعة
الجزء الاول

الجزء الثانى


الجزء الثالث

الجزء الرابع


الجزء الخامس


الجزء السادس



الجزء الاخير


خالص تحياتى
احمد حسن البنا

مسرحية المنار والبحار

مسرحية

المناروالبحار

(حلم الحياة)

مسرحية من فصل واحد

تأليف

أحمد حسن أحمد

إهداء

إليكِ وحدك....

إليكِ عمرى ..

إليك ِحلمى ..

إليكِ طفولتى وشبابى وشيب رأسى

إليكِ... يا (عين حياة) ...أهدى أنفاس عشقى

(حماد)

المشهد الأول

يفتح الستار على جزيرة صغيرة ..مناخ يوحى بأساطير قديمة ولا مانع من وجود نقوش فرعونية ويونانية.... على اليسار منار حجرى منحوت الصخور .. يعلوه ضوء يتراقص من قبة شفافة .... البحر هائجاً ... صوت الرعد وضوء البرق يملآن المشهد.....صوت صفارات إنذار تنذر بغارة عنيفة ..لحظات ويعلو صوت مقاتلات غير منظورة فى السماء ..إنفجارات تمتزج بصوت الرعد .. كوخ خشبي صغير على يسار المنار.. أمامه شجرة مثمرة وبئر ...صوت شاب يستغيث من جهة البحر..

الصوت إلحقونى…..( صوت إنفجار ممتزج بالرعد)

الصوت إلحقونى….إلحقونى (قصف جوى يتبعه إنفجار)

يخرج حماد العجوز من الكوخ بجلباب وبالطو ثقيل قديم الصنع عليه نياشين توحى بتاريخ من النضال... يحمل بيده لمبة زيت تعكس إضاءتها ملامحه الجامدة وعينه القوية ...

الصوت إلحقونى

حماد البحر هايج مابيرحم غريق

الصوت بغرق

حماد (ينحني ممسكاً بطوق نجاة مربوط بحبل) كله بمعاد

حماد يلقى الطوق في الماء وطرفه الآخر مربوط في الشجرة

حماد قرب .. إمسك الحبل

الصوت إلحقنى يا ريس..... بغرق

حماد ( بهدوء الواثق) النوَّة شديدة

يجلس حماد تحت المظلة الخشبية ويبدأ في تكسير بعض الأخشاب في النار الخافتة المشتعلة أمامه بينما يصعد محمود من جهة البحر ..شاب في منتصف العشرينات مبلل الثياب متهالك .. يسقط أمام المنار.. حماد لا يلقى له بالاً ويستمر في تكسير الخشب ..تهدأ أصوات الإنفجارات وتنطلق صفارة الأمان

محمود (يسعل) الحمد لله .. الحمد لله..( يرفع رأسه للمنار

ويلتفت لحماد) أنا فين ؟!!

حماد حد ينزل البحر في ليلة زي دى؟

محمود ( يسعل وهو يعتدل) غصب عنى .. الموج عِلِى..

والريح لعبت بالمركب .. طلعت أفُك القلع...خادتنى

موجة..لقيتني في الميَّة

حماد المركب غرقت ؟

محمود مش عارف ..أنا ما كنتش شايف غير النور اللي جاى

من المنار ده (يسعل) عُمت كتير لحد ما تعبت....

والبحر كان بيشد ما بيرخى.. موج من كل ناحية

وكإنه تار بايت

حماد إحمد ربك إن الريح كان مع صرختك ووصلتني

محمود الحمد لله

يشتد لهب النار فيقوم حماد ويدخل الكوخ ويخرج حاملاً رداءاً ثقيلاً يلقيه أمام محمود ويجلس كما كان

حماد قرب م الحطب.. خلى جسمك يشرب الدفا

محمود أنا مش عارف من غيرك كنت هعمل إيه ياريس

حماد إيه اللي جابك الناحية دى؟...لاهى سكة صيادين

ولا بحَّاره

محمود وأنا لا صيَّاد ولا بحَّار

حماد أمال ايه؟..طرح البحر!..ولا خارج من بطن حوت؟!

محمود أنا محمود..ورثت عن أبويا مركب صغيرة..كانت هي

كل راس ماله...ما كنتش بشوفه غير مسافر.. أو

راجع من سفر

حماد صياد ؟

محمود هو كان صياد .. لكن عمر شبكته ما حضنت سمك

حماد قليل البخت .. ولا العقل

محمود قليل البخت..عاش طول عمره يدور على الكنز

الغرقان ومات قبل ما يلاقيه

حماد يبقى قليل العقل ...وإنت بأه ورثت عنه المركب ولا

الجري ورا الكنوز؟

محمود ماتفتكرش إنه كان طماع أو مجنون..كل الحكاية إنه

كان عنده أمل..يمكن ماقدرش يحققه.. بس مات وهو

بيحاول..سابلي على ضهر المركب خرايط وحكاوي

لكل رحلاته..لما قريت اللي كتبه..لقيت نفسي بشد

قلع المركب وأفردها للريح...لحد ماجابتنى هنا

(يشير على خريطة يخرجها من جيبه)

ينظر حماد للخريطة بجمود وسرعان ما تتغير ملامحه

حماد جبت الخريطة دى منين؟ محدش بيشيلها فالزمن ده

محمود إنت الريس حماد مش كده؟

حماد إنت مين؟

محمود أنا محمود … محمود البحر

يشرد حماد بحزن وكأنه يتذكر

حماد البحر؟

الشاب أيوه البحر...البحَّار اللي رسيت مركبه على جزيرة

المنار من 15 سنة ... فاكره يا ريس حماد؟

حماد النسيان نعمة ربنا حرمني منها.. و إدانى الصبر

أتقوي بيه ..

محمود أنا بقالي شهر في البحر بدوَّر على المنار...من يوم ما

قريت كلام أبويا عن الجزيرة الصغيرة...والمنار

الغريب اللي ماحدش عارف حكايته إيه...مين بناه

وليه بناه هنا بالذات ..على جزيرة سيرتها رعبت

القلوب من حواليها لحد ما الناس سمتها جزيرة

الموت ... جزيرة الجن .. جزيرة مقطوعة من كل

خرايط الملاحين..وضى مناره لا بيدل ولا بيضل

بحَّار...مين اللى هيشوف الضى وسط الموت إلا اللى

عارف مكانه ...

حماد أبوك كان جاى يغتني من عمر غيره...كان فاكر على

الجزيرة كنز مخبياه الجن...كان فاكر إنه هيقدر

يغْنِى بلده من كنز الجزيرة..لكن خاب ظنه بطمعه ..

ورجع مطعون..ماقالكش إن الجزيرة ساكنها الطاعون

محمود طاعون ؟؟!!! أى طاعون يسكن جزيرة شايله مارد

زيَّك من تلاتين سنة ؟؟!!! مهما قال وحكى كان

صعب أصدق..ماهمنيش صوته اللى جاب آخر الدنيا

وهو بيجيب طاعون بطنه على البر..ماخوفتش من

موته بعد ماستفرغ جسمه قدامى ومافضلش منه غير

شبكته اللى إتفردت فى البلد ورث متقسم..ومركبُه

العتيقة اللى البحر كَل منها راقات..كل همى كان

إنى أجيلك وأشوفك..أشوف اللى دوّب فكر أبويا

وخلاه يحكى عنه ويتحاكى..وأدينى جيتلك وشايفك

وزَى ماحكى عنك تمام..مارد فى قوتك..فارس فى

محبتك..راهب فى جزيرتك..كتب عنك كتير...أكتر

من عِشرة يومين بسنين..أبويا مات من رعبه من

قوتك ...كان نفسه يوصلها وماقدرش

صوت صفارة غارة وبداية هجوم مقاتلات آتية من بعيد

حماد قوم يابنى نام ... البحر باينه هايقلب تانى

محمود هاتلعب معايا نفس اللعبة؟

حماد لعبة إيه يابن بحر؟

محمود هاتهرب بالكلام ؟..أنا مش جاى أدوَّر عالِّى

مالقاهوش أبويا طول عمره..ولا جاى أحقق فى

أسطورة الموت على الجزيرة ولا الكنز اللى مخبياه

الجن ..

حماد أُمال جاى ليه؟أنا لاعندى مال ولا بملك غير العشه

دى ...وعايش على صخر جزيرة متشرب وباء على

لِسِنِة الناس..إرحل لتستفرغ جسمك زى أبوك...

إرحل محدش هيرحمك لو مس بطنك وباء الصخر ..

حتى جسمك مش هيرحمك..لا غريب هيسيبك

تعيش بوباءك..ولا قريب هيسيبك تموت جنبه ...

كله هيبيعك

محمود جسمى من طينك ياحماد..لابيموت من طاعون ولا

بيموت من زمن..أنا جاى أعرف إيه اللي مخليك

عايش هنا طول السنين اللي فاتت..وإزاى متحمل

الوحدة ..إنت إنسان غريب...لغز ولازم أفهمه

حماد نام..النومة بتريح عليل البال..نام والصباح رباح

محمود وإنت؟

صوت المقاتلات يعلو وتبدأ بالضرب

حماد أنا قاعد الليلة دى هنا..جَيِّتك هتجيب وراها جيَّات

ياما..والجزيرة بتغضب من دوسة الغريب ..

والنسور الفاجرة بتغضب من دوسة القريب ...

محمود بس البرد بيزيد والنوَّة مجنونة

حماد 30 سنة البرد ماموتنيش..والبحر إنهارده لسه ياما

هيجيب...روح ..روح ..أنا بس اللى بحارب النوات

وبفضل عايش

محمود الصخر طايق قدمى ياريس؟؟ أنا مش غريب مش

كده؟

حماد روح ..لتهيج عليك النوَّة وحدك ...

محمود أنا مش غريب ؟؟؟ صح الكلام؟

حماد إسال مكان خطوتك ...والصخر هيرد السؤال

محمود ينظر مكان قدمه ويتحسس حركة قدمه على الصخر

محمود الصخر راضى بالقدم ..خطوتى مش غريبة مش

غريبة أبدا ...أنا قريب مش غريب

يزداد صوت الإنفجارات وكأنه غضب ..يتجه محمود للكوخ وهو ينظر لحماد ثم للمنار ويختفى داخل الكوخ .. يشتد الرعد والبرق والرياح

حماد عيني عليك يا ولا ياللي بتعشق موت

والماضي مُرُه كاسات فيها العذاب مخلوط

كان ليك حبيب يا ولا مايفرقوش الموت

راح الحبيب يا ولا والذكرى لم بتموت

تهدأ الغارة وتضرب صفارة الأمان

إظلام

المشهد الثاني

إضاءة على الجزيرة....السماء صافية وطيور البحر يعلو صوتها

حماد رد اللي غايب يا هوى داوى الجراح

لم الشمايل خلى سجن الروح براح

إرضي الخواطر لجل خاطر عمر راح

ده ماعدش فاضل م اللي جاى أد اللي راح

يقوم حماد ويدخل المنار.. لحظات وينطفئ نور المنار وينظر حماد من أعلى للبحر ويشرد... يخرج محمود من الكوخ وينظر للمنار بِوَلَه ويلقى نظرة داخل البئر ويشرب منه بعد أن يقرب الإناء من أنفه

محمود سبحان الله..ميه عذبة وسط البحر؟..شيء ليه

العجب .. كل حاجة ع الجزيرة دى غريبة ...

أُمال هو راح فين..ريس حماد؟..ريس حماد؟...

صحيح أبويا كان له حق..إنسان غريب في مكان

أغرب أنا لازم أعرف حكايته..ولازم أعرف حكاية

أسطورة الطاعون

(يظهر حماد على باب المنار دون أن يراه محمود)

محمود مش ممكن بعد اللي شوفته وقاسيته في البحر أرجع

زي البحر ما رجع..أكتب حكاوى وأستفرغ جسمى

وأموت لو كان فيه طاعون بصحيح ..ليه ماموتش

لحد دلوقتى أنا دوست صخر الجزيرة..وإتنسمت

هواها ..وشربت من البير..وهشرب تانى أهو

(يشرب من البئر مرَّه أخرى ) أهو بشرب تانى

(يشرب مرَّه أخرى ) إيه جرالى؟؟!!ولا حاجة ...

لسه عايش..(يتلفت حوله باحثاً ويلمح حماد

خارجاً من المنار ) ريس حماد؟..أنا..أنا كنت

بَنْدَه عليك

حماد سمعتك

محمو د (ينظر للمنار ) طفيت المنار ليه؟

حماد نور ربنا يغلب أي نور .. والزيت قل من على

الجزيرة مبقاش قادر ينور المنار ليل ونهار

محمود إنت عرفت الجزيرة دى إزاى؟..ده اللي معاه

خريطة تاه وكان هيموت قبل مايوصلها .. وأساطير

الرعب حواليها بتجمد النفس جوه الصدور

حماد الأساطير لعبة النسور على الغلابة..وَهْم وزرعوه فى

قلوبهم المريضة بالطمع..عشان يترعبوا ويبعدوا عن

سرالحياة..اللى مش فاهم هيقول طاعون..ويخاف..

واللى فاهم فى مكر النسور...عمرالخوف ما يدوس

له عتب

محمود يعنى البحر خاف ؟

حماد البحر مات يابن بحر على حسب قولك ..

محمود بس أنا موجود...وشايل إسمه ..

حماد لو عُمت ساعة زمن هاتلاقى مركبك شرق الجزيرة

سليمة..البحر ماخدهاش..يادوب مجروحة .. بس

تعيش

محمود عايزنى أرحل؟

حماد مسيرك هترحل ...حى أو مبطون وميت

محمود بس أنا لازم أعرف...

حماد (بغضب ) ليه لازم؟....عشان إيه تعرف؟...

سيبنى وإرحل يابن بحر..المكان ده مايساعش

غيري ووجودك هنا مالوش معنى..كفاية اللى ماتوا

قبلك

محمود بس إنت لسه عايش..وأنا مش همشي من هنا ....

وادي قاعدة؟..لو مش عايزنى معاك إرميني في

البحر بإيديك زى ماطلعتنى منه..ولا سلَّط عليا

الصخر بوباءه ياكل جسمى ويستفرغه موت(يبتسم

) ده لو فيه وباء.

حماد هو ده جزاء المعروف؟ أخاف عليكم وأنتشلكم

تحاربونى

محمود أنا ماشى في البحر بقالي تلاتين يوم..وشوفت الموت

أكتر ما شوفت الموج عشان أوصل هنا..للمكان ده

اللغز اللي من يوم ما قريت عنه..حسيت إنه

مكانى

حماد اللغز ده يابنى..عمري..وسرى..مش حكاوي على

ورق أبوك..ولا تحدى جوه نفسك.. أنا مش هبقى

مِلْك فضول كل مين يعرف ويسأل..ويبقى أمر عليا

أحكى وأنشر سنين عمري ...سيبنى في حالي الله

يصلح حالك ويرحم أبوك

محمود (يشير للمنار) ممكن أطلع فوق؟عاوز أشوف المركب

حماد ينصرف دون رد ويختفى خلف الشجرة بينما يصعد محمود للمنار ويظهر من أعلاه ..أصوات جماهير تهلل ...وتؤيد رئيساً غير منظور

محمود ياه..الدنيا من هنا حاجة تانية خالص..كأنه حلم

حتىالبحر لونه مختلف..النوَّة ماسابتش غير وضوح

معالم واضحة..عرفت أنا كنت فين..وإيه كان

هيغرقنى

(يعود حماد حاملاً بعض الفاكهة ويجلس تحت المظلة وينزل محمود ليجلس جواره)

محمود ليك حق تعشق المكان ده..أنا خلاص..قررت أعيش

هنا معاك .... حتى أبقى ونس ليك

حماد جامد الملامح يقطع الفاكهة بينما محمود يأكل بنهم

محمود عارف يا ريس حماد..وأنا ماشى في البحر...وبعد

تلات تيام سفر..سألت نفسي سؤال..( ينظر لحماد)

مش تسألني إيه السؤال؟

(حماد لا يرد ويظل يقطع الفاكهة)

محمود أقولك..سألت نفسي..أناإيه اللي بعمله؟!سايب

بلدي وراحة بالى..وبجري ورا حكاية منارفى وسط

البحر..يمكن أموت قبل ما وصله..ولا يمكن أموت

على أرضه..ولا يمكن مايكونش له وجود من الأصل

غير في خيال أبويا..ولقيت نفسي بقول..ياواد إرجع

.. العمر مش بعزقة..والمركب الضعيفة لوإتحملت

موجه..هاتنكسر من التانية..واللى ماتوا مبطونين

سابولنا موتهم لغز بيخوف وبيرعب كل مين يفكر

يخطى أرض المنار

ينجذب حماد لحواره

حماد وإيه اللي خلاك تكمل؟

محمود إنت

حماد أنا ؟

محمود أيوه أنت..الصبر اللي خلاك عايش لوحدك في

المكان ده طول السنين ..قواني ولعب معايا لعبة

القوة..مهما كان سبب وجودك .. وصبرك على

الوحدة ..النفس كانت هاتمل .. والصبر له عند

البشر حدود..والرعب من الأساطير بيموِّت أكتر من

حقيقتها..لكن إنت لا تعبت من الوحدة ولا الصبر

نفد منك ولا صابك اللى صاب غيرك وموت زى

اللى ماتوا..قوتك هي اللي خلتني أتحدى

رجوعي..إتحديت البحر إنه يهزمني.. إتحديته

إنه يرجعني..إتحديت الطاعون يهزمنى ..أنا قدك

يا ريس حماد..اللي جوه نفسك جوه نفسي..القوة

اللي عندك والحلم اللي جواك..حاسس بيهم جوايا

(للجزيرة)..أنا دايسك ياجزيرة المنار لو كنتى

أسطورة الطاعون بصحيح..إغضبى لو تقدرى...

موتينى لو تعرفى ...أنا هنا قدامك ...مش خايف

منك مش خايف يابحر...مش خايف ياصخر..

(للمنار بحنين) وبعشقك يامنار

حماد تعرف إن فيك كتير من شبابي

محمود شبابك؟

حماد هو أنت فاكرني طول عمري عجوز؟ أنا كنت

شباب في يوم من الأيام

محمود ومين اللي قالك إني شايفك عجوز...إنت ولا إبن

العشرين

(شبح إبتسامة على وجه حماد)

محمود إنت مابتشوفش وشك في المراية؟

حماد مراية؟ آخر مره شوفت ملامحي كانت من 20 سنة

محمود ياه...للدرجة دى بتهرب من نفسك؟

حماد لا أنا عمري ماهرب ...أنا مش جبان يابن بحر

... أنا كنت في سنك بحارب الدنيا كلها وصلِّبت

موج البحر تحت قدمى طريق عشان ...(يصمت)

محمود شوفت ..هاتهرب تانى

حماد أنا عشت طول عمري في حالي..... ماعرفش من

الناس..غير اللي رماه البحر غرقان ..واللي بيصرخ

قبل الموج ما يبلعه..والعمر عدى ويمكن يكون

خلص منى.. هايفيد بإيه الحَكْى للي ما يرد

الحقوق..لو حكيت لك ...هتقدر تحاسب الدنيا

اللي خدت منى عمري...وسجنتني جوه نفسي

طول السنين ...تقدر تحاسب الزمن والناس اللي

ظلمت وجرحت.. وسرقت منى أغلي حياة؟...

تقدر ترجعلى 30 سنة فاتت وترد اللي غايب....

تقدر تكدِّب موتة كل جسم مدفون من فعل الجزيرة

تقدر تقول الناس إن أسطورة الطاعون مش حقيقة

واللى فيها حياة وحب مش موت ؟؟... تقدر...

تقدر يابن بحر ؟

محمود ما يقدر على القدرة إلا ربنا ...لسه الناس بتخاف

مهما نقول ماتخافوش

حماد يبقى تسكت وتشد رحالك.. وسيب اللي عايش

يعيش و إترحم علي اللى مات

حماد (متجها للكوخ) كنت فاكرك غير الناس ..طلعت

حتة من طمعهم .. جاى تحقق حلم ذاتك وبس ..

طمعان زى اللى طمعوا...شعاراتك كدابه زى

شعاراتهم ...محدش فيكم حب وآمن بالحب حاكم

عشان كده بتموتوا..وهتفضلوا تموتوا واحد ورا

التانى لحد ماتقرف من جتتكم الغربان ..مش عايز

أخرج من جوه ألاقيك

محمود ريس حماد ؟ أنا مش هموت بلعنة مش موجوده ..

أنا جاى أشوف الحياة ..جاى أتعلم الطريق ..

جاى أتحرر من كرهى وأشرب المحبة والصبر من

بير الجزيرة ..أناغيرهم كلهم...صدقنى غير كل

مين حكم

حماد الحياة دى حياتى أنا..ومحدش هيقدر يعيشها

غيرى.. غيرك حاول ومات ..إرحل..(يختفى

بالكوخ)

محمود ريس حماد

بيقولوا حِبْ الأرض هتحبك أكيد

بيقولوا دَفِّى القلب هتصيد النسور

بيقولوا حكم الحر غير حكم العبيد

وأنا عشقى لجل الخلق مش لجل القصور

في شىء جميل ساكن هنا وأنا جاى ليه

في أرض محتاجة الوفا وأنا نفسى فيه

فى نجم عايز أوصله وأسكن عليه

فى سر ساكن تربتك راعب نسور

(يمسك حفنة رمل بيده وينظر للسماء التى تضرب صفارة غارة..صوت ضربة قوية)

إظلام

المشهد الثالث

إضاءة على الجزيرة .. الشمس قاربت الغروب.. يخرج حماد من الكوخ باحثا بعينيه في أرجاء المكان لا يجد محمود

حماد سلمت بدري يابن بحر... روحت زى اللى راحوا

يصعد المنار ليشعله ..يصعد محمود من البحر مبلل الثياب بيده فأس ويجلس بجوار الحطب ليشعر بالدفء ينزل حماد من المنار ويرى محمود

حماد إنت لسه هنا؟

محمود ماقلتلك يا ريس أنا حبيت الحلم ده... ولازم أكمله

ينظر حماد لملابس محمود...

محمود (مبتسماً) ماتستغربش ..أنا نزلت البحر..عومت لحد

المركب..لقيت البحر محتاج لها أكتر منى..(يرفع

الفأس ملوحاً به) غرقتها ورجعتلك ...ودلوقتى بلغة

الفرسان الشجان بقولك (يقف ويمثل بفروسية عُطيل )

البحر من ورائى ..والعدو فى سمائى.. ألهمنى القوة و

العزيمة ياحماد بما أعطاك الله من حب من دونالعباد

حماد بنظرة سعادة خفية متوارية خلف الجمود

حماد كلام ...شعارات ...بس إيمان بقضية...مفيش

محمود أكتر من كده أعمل إيه ؟؟..ده ما فيش سكة رجوع ..

ياتخلينى جنبك أستطعم حقيقة الحرية ...ياتسيبنى

للنسور والحدادى تلقط من جسمى كل يوم حته

ويقطعوا فيا (ينحنى بشكل تمثيلى للمنار ) وأصبح

شهيد المنار

حماد (مبتسماً) مجنون

محمود أنا ؟!..دى شهادة أعتز بيها من المارد الطيب قولى

بأه ....إنت اللي بنيت المنار؟

حماد (بشرود) أيوه.... أنا.. وهى

محمود هي؟

حماد حياة

محمود حياة ؟؟

حماد إنت مش جاى تسمع؟تعالى..آن الأوان تعرف وتفهم

محمود ياااه.... أخيرا لان الحجر

حماد حجر؟..اللي قدامك ده دوب الحجر م البكا والعشق

تلاتين سنة عاشق وبحلم بجزيرة الحب..وعشت

طول عمري جواها.. سجين الألم والإنتظار .. مجروح

من كل مين يقول عنها جزيرة الطاعون..عشت طول

عمرى هناعشان أثبت للدنيا إن الجزيرة جزيرةالحياة

مش بر الموت عشت أقول إن الحب وحده يقدر يلم

الكون مايفرقوش ..يقدر يهش النسور والحدادى من

فوق عششنا الفقيرة ..لكن ياريتهم فهموا ...سابوا

الحب وإتعلقوا بأساطير الخوف ...لحد الرعب من

بكره ما ضيع كل شىء ..وماتوا وهما عايشين ..

وفضَّلوا يتكفنوا بالذل ولا إنهم يتلفحوا بالحلم

محمود هما مين ياريس؟

حماد اللى سجنوا نفسهم لجشعهم وأنانيتهم وسابوا حياة

تموت وسطهم ..عشان خايفين ...بس خايفين ...

والخوف من الموت طمع فى الحياة مش حب ليها

محمود إحكي يا عاشق... إحكي من الأول

يظلم المسرح إلا من محمود وحماد بينما ديكور المسرح يتغير لمشهد آخر داخل المشهد

حماد عشت الصبا بحلم بنص الروح اللي بتكمل روحي ..

دوَّرت في كل البلاد.. وفى كل عين شوفتها على

النص اللي غايب... مالقتش غير أرواح غريبة عنى

...عايشه حواليا وعمرها ما عاشت جوا يا...

شربت منى الهنا ولادوقت منها الفرح... قلبت

موج البحر ع الجنية اللي تخطفني ...مالقتش غير

ميَّة مالحة ...لا بتروي ولابتطيب عطش ..لحد ما

فى يوم خادنى النصيب لبنت الحلال..اللى قابلتها

فى رمل البر الحارق ..ومن حواليا الموت من كل

يامه بيقولى ورينى الحياة منين يابحَّار لو تقدر

تشوف..حبيتها وآمنت بيها سر الحرية ولقيتها

هى اللي هتصون الدار والعرض..وتعيش ع الحلوة

والمُرَّة ..وصبيت جوه وصالها كل أحلامى ونظرتى

للحرية الحقيقية من إستعباد ملوك البحر المراهقين

وعزمت ولميت الشهود من كل ناحية ومن كل

وادى لجل يشهدوا على شرارة حريتى

محمود إتجوزت؟

حماد إتجوزت..ولاقيتها نبته طيبة جذورها صالحة

ومتأصله لكن طرحها كان غير المراد..عاشت ع

الحلوة والمرة لكن مع أول مواجهة فى الحياة

لقيت ملامحها غير الملامح اللى قابلتها فى البر

الحارق ..تاهت وإتشوهت وبانت على حقيقتها ..

ماكانتش هي الروح اللى عشت عمري أشتهيها...

لكن خلاص كان الخلاص عدى أوانه.. طرحت

غطا مايدفى رعشة القلب اللي فيا..طرحت غرام

مايجبش غير أولاد مشلولين ...لا يسندوا ضهر ولا

ينصروا عدل..والقلب من جوايا كان صرخة ألم..

مش هو ده المشوار ياحماد..مش هو ده المرسى يا

بحَّار..لسه الحبيبة متدارية فالوشوش..غرقانة

وسط بحرين من شهد ودم وعايزه اللى يخطفها من

غرقها..كانت بتنادينى كل ليلة ومش شايف

أوصلها إزاى وسط تكتيفة الطمع من حواليا...

ونزلت تانىالبحر أدوَّر عالي غايب ...نزلت

أجيب الحل من سحر البحور

إضاءة على المسرح... يختفي من الحركة محمود وحماد... وفى الطرف الآخر من المسرح قهوة بلدي يجلس عليها صيادون... وخلفهم مراكب راسية وشباك مشدودة على الجدران يدخل سليم صديق حماد

سليم صباح الفل يا رجالة

الجمع صباح الورد يا ريس سليم

سليم ماحدش شاف الريس حماد

صياد 1 في البحر يا ريس...بيجرب مركب الريس مندور

سليم يادى المركب العدمانة اللى غاويها ..يبقى فيها

لعَشِية

صياد 2 أهو وصل يا ريس...المركب جايه بغيامتها من بعيد

صياد 3 قوله يخف شوية ياريس سليم ..الناس بتطلبه بالإسم

وإيدينا قربت تنسى الصنعة جنبه

سليم الصبر يارجاله...أنا مش ساكت ..بس إنتو سيبونى

أبعده عن البر بطريقتى ..جايبله شغلانة فى البر

التانى هتعجز عليها صنعة إيديه..وهتبعده شهور

عنكم

صياد 1 خد بالك ليروح البر التانى يكسب ودهم ونبقى

خسرنا البرين ...

سليم لا..دى لعبتى أنا بأه ...ولَّا إنتو مش عارفين دماغ

الريس سليم

الجمع عارفينها ياريس ...

صياد 1 بس وبعدين ..البر مش شايف صنايعى مراكب غيره

وإحنا جعانين

سليم لا..دى بأه ميقدرش عيلها شيخ الصنعه..دى مركب

الريس أبو الخير

صياد 2 لا يبقى وقع ولا حدش سمى عليه..دى مافيهاش

الرجا ياريس

سليم يبقى خليه يشربها يارجاله..وغروره مش هيخليه

يرفضها..وهيشتغل فيها..وأهو يتلهى بيها كام شهر

صياد3 أما انت دماغك دى..توزن بلد بصحيح ياريس سليم

سليم طب بس بس أهو جاى أهو غيروا الموضوع

لحظات ويدخل ممثل يقوم بدور حماد في شبابه

حماد سليم؟

سليم ( يحتضنه) حمد الله عل السلامة.. قلبت عليك البر

كله..

حماد سلامو عليكم يارجاله

الجمع وعليكم ياسيدى

حماد يتعجب ويعاجله سليم بالحوار لصرف نظره عنهم

سليم لسه غاوى بحر العصارى؟

حماد بحر العصارى أصفى من بر الشقا (يرمق الصيادين )

سليم مخوفتش لتخلى بيك بنت الرفضى دى..دى

محدش ركبها إلا وغرق وماقامتله قومة ..موتورها

بيحرق جاز ولا يديش عزم

حماد مين قال كده..دى ماتورها عفى بس عايز إيد واعية

للصنعه وأهى بتأكِّل الغلابه..ورزقها للكل

سليم لسه بتروح الجزيرة الموبوءة..أنا خايف عليك

ياصاحبى محدش بيروحها وبيرجع سليم

حماد إنت بتصدق اللى بيتقال عنها..صدقنى دى تخريفة

خوف زرعها الطماعين (ينظر للصيادين ) فقلوب

الناس الضعيفه عشان ياكلوا الخير لنفسهم...

وياريتهم حتى وصلوا لسرها الحقيقى ...

الصيادون يخرجون بضيق من حديث حماد

سليم بس دى خطر والكل عارف برها واعر أد إيه وجن

الطاعون ساكنها

حماد أدينى قدامك أهو – صاغ- سليم...كل يوم أرتوى

من بير الجزيرة وأعود ولا صابنى طاعون ولا مس

عقلى جنون ...

سليم بس مس قلبك سحر الجن عالجزيرة..إنت نسيت

بيتك ياحماد..وبيتك مش ناسيك..وليل نهارك

بيناديك ترجع

حماد بيتى مش شايفنى ياسليم..ولا قارى نظرة عينى

وحلمى اللى عايش بدوَّر عليه..وبعدين أدينى

بجيبلهم رزق البحر كل ليله وبيباتوا فىحمايا ...

وياريت عاجبهم ..الطمع والجشع ماليهم

سليم نفسهم يباتوا فى حضنك يابحَّار..حضنك إضيق ليه

؟؟زى رزق الصنايعية جنبك...مبقتش تفرده غير

لجن الجزيرة اللى سابيك

حماد الجزيرة مش آنية الجن ياسليم ...بيتى هو اللى

طمعان فى الخلق اللى طالبين صنعة إيدى ...

عايزينى أطلب الطاق طاقين ..شايفين زهدى وباء

ومحبتى للناس مس شياطين الجزيرة ..حتى باقى

البنايين فى البر رافضين يفهموا الحقيقة رافضين

يحبوا الناس ويحبوا صنعتهم ..مع إنهم لو حبوا

صنعتهم هتحبهم الناس وتطلبهم

سليم أنا مش هخلص من كلامك إنت فعلا صابك الجن

حماد قصدك صابنى الحلم

سليم جن ولا حلم ...نهايته ..قصدك في شغلانه

حماد رقبتي يا صاحبي

سليم مركب الريس أبو الخير الله يرحمه بينادى صنعة

إيديك لجل تنزل البحر وتجيب الخير للولايا

حماد الريس أبو الخير؟ شيخ صيادين البر التانى؟

سليم الله ينور عليك... فات لمراته وبنته مركب كبيرة...

لكن الحزن معشش فيها ودوِّب بطن المركب...

الحاجة غالية قصدتني أشوف بنَّا مراكب شاطر

قولت ما فيش غير الريس حماد ..هو اللى بيطيِّب

المراكب بيده ويروَّق قلوب الناس بمحبته...لسه

قادر تداوى بالمحبة ؟؟

حماد وأنا أملك غيرها ياصاحبى؟!..تعالى نشوف المركب

سليم يالله قبل الشمس ما تغيب

يخرج الإثنان بينما يتغير الديكور للبر الثانى ومركب كبيرة عليها إسم (عين الحياة .....محروسة من العين )

إرمى الشبك في البحر وإرضى بالنصيب

البحر باب الرزق لعيون الحبيب

شد الشبك ماتخافش يطلعلك غريق

صابك نصيبك إرمى خوفك للحريق

حلوة البنيه ونفسها ففارس جرىء

هى القضية وحلَّها بحَّار غريق

غارق فى حلمه وحلمه متبسم برىء

ياصحبجية مذهبى باركوا الطريق

تدخل حياة... فتاة جميلة حالمة تجلس بجوار المركب

حياة يا بحر يا طيِّب طيِّب لياليا

ليه الهنا غيِّب وفايتنى منسيه

يا نجمة يا عالية عندك دوا روحي؟

يا موجة يا جايَّه عندك حبيب ليا؟

يدخل حماد وسليم

سليم المركب أهه يا حماد ...قلِّب فيها وإوصف دواها

لحد ماشوف الست غالية

حماد في إنتظارك

يتوجه حماد للمركب ويدور حولها بينما حياة في الطرف الآخر لا يراها... سليم يدخل بيت أبو الخير بعد دق الباب ...

حماد ياقوة الله..ده الشغل ياما...هجيب منين عشق

يداويكى ياطيبة؟

يدور حولها حتى تلتقى عيناه بعين حياة ..وتلعب الإضاءة بألوان حالمة

حماد ياقوة الله ....تبارك الخلاق

( يدقق النظر وكأنه مسحور..بينما حياة تبتسم بخجل)

حياة إنت مين؟

حماد سبحان الله

حياة إنت مين؟

حماد يا قدرة الله في الخلق والتكوين

حياة إنت مش من برنا

حماد أنا من البر التانى..لسه الموج جايبنى مع الريس

سليم

حياة إنت الريس حماد

حماد تعرفيني

حياة صح الكلام ولا أمشى؟

حماد صح الكلام ..خليكى ماتمشيش ..إنتى مين ؟؟إنس

من طينة غير طينتنا..ولا جن متشرب من سحر

الملكوت

حياة أنا حياة ... إسمى حياة

حماد وليكى تتوهب الحياة

حياة ليا أنا تتوهب الحياة

حماد أيوه ليكى إنتى..إنتى وبس..إنتى فعلا قدامى لحم

ودم ولا صابنى البحر بالهزيان

حياة أنا بشر ..لحم ودم ...إنما انت اللى كلامك مش

زى الكلام ..ونظرتك غير النظرات..ليه بتبصلى

كده ؟ ملامحى هتدوب من كتر مابتبصلها

حماد إعذري النظر اللى مش مصدق إنه لقاكى ...ده أنا

بدوَّر عليكى من سنين طويلة وسط البحر ...وإنتى

اللى عايشه هنا عالبر التانى

حماد (تهرب بالحديث ) الريس سليم حكى عنك كتير

قال إنك أحسن بنَّا في البر كله وبحر العصارى

غيتك..وقال إنك هتطيِّب الحزن اللي في مركبي

حماد ماعدش فيه مكان للحزن

حياة شهور والمركب راسية ع البر..والحزن نسَّانا

حالها ..المرحوم كان كل دنيتنا (تتعجب من

نظرات حماد ) ليه بتبصلى كده ؟أنا مستغرباك

قوى .. متخوفنيش منك مش عارفه...كأنها مش

أول مرة أتكلم معاك ..إنت ليه مش غريب عنى

ليه لامسنى كده وأنا اللى أول مرَّه أشوفك

حماد أنا شايفك وعارفك من أول ميلاد الكون فعينى ..

إنتى فيكى شىء يخصنى ياحياة..والبحر جابنى

عشان ألم الشمل اللى إفترق عنى لحظة ميلادى

على وعد الرجوع

حياة أى شمل ...وأى وعد ؟

حماد شمل الجسم اللى فيا عالروح اللى فيكى ...أنا

جسد إفترقت عنه الروح لحظة ميلاده وسكنتك

لجل أفضل طول عمرى أدوَّر عليكى..إنتى الروح

اللى طول عمرى بتمناها ياحياة ...إنتى وعدى

حياة إنت إنسان غريب..بتشوفنى غير الناس ما

شايفانى ليه

حماد ما غريب إلا الشيطان... إنتي مش عارفه إيه

اللي فيا

حياة (تهرب بالحديث) سمعت إنك الوحيد اللى

بتروح جزيرة الموت ...إزاى بتعمل كده! ليه

مش بتخاف زى اللى خايفين

حماد وأخاف ليه ؟دى جزيرة الحلم ...وعمرى

ماشوفت هناك غير الحلم والهنا المتغمس بسحر

البحر وعشق الجن

حياة برضو مُصِر تخوفنى منك ...أنا طول عمرى

بترعب لو تيجى سيرة الجزيرة من حكاوى أبويا

عن الجن جواها..كنت بصحى طول الليل من

الخوف اللى مالينى ويرعش جسمى كنت

بتكلفت بملايتى لو هبت النوَّة من ناحيتها

ليصيبنى جن الطاعون من النسمة اللى جاية

حماد الموت مايعرفش طريقك ياحياة ...ده إنتى اللى

فعيونك رماد الكون يقوم ويصير عباد تسبَّح بحمد

المولى من جمالك وصنع إيديه ...إنتى أصفى من

نسيم البحر ..إنتى جايه منين؟..إنتى كنتى فين

طول سنين ترحالى..أنااللى جيتلك ولا إنتى اللى

نادهالى بالضى اللى فى وشك ياأجمل ملامح

حلمت بيها

صوت الأم يامرحب يامراحب

حياة أمى ...أنا .... أنا لازم أدخل

تجرى للداخل بفرحة بينما حماد مسحوراً ... يخرج سليم مع الأم غالية

سليم الريس حماد ياست غالية ..أشطر بنَّا مراكب فى

البر كله

غالية قالوا عنك كتير ياحماد ...يا أهلا بالبحَّار

(تمد يدها ولا يلتفت لها حماد وعينه متعلقة بمكان خروج حياة مما يُشعر سليم بالحرج )

سليم حماد..الست ماده إيدها(يهز كتفه) حماد

حماد ها.... إنت هنا يا سليم؟

سليم إنت اللي مش هنا..مالك؟ سلِّم على الست غالية

حماد أهلا بست الناس ...أعذرينى ...المركب خطفت

النظر والبال ...ماشوفتكيش جايه

غاليه فيها الرجا يابحَّار ولا عليها السلام ونرميها البحر

ياكلها

حماد فيها كل الرجا ياست غالية..دواها عندى ودوايا

فيها

غالية ورينا همتك ياريس..خلى روح المرحوم تدعيلك

حماد ده أنا اللى هدعيله بالرحمة طول عمرى

غالية خده الموج فى غمضة عين ياكبدى..وسابنا على

فيض الكريم ...والرزق أضيق من خرم الإبره

وعايزين نعيش

سليم (يقلق من شرود حماد) الله يرحمه ياست غالية

.. والبركة فيكى وف نوارة البر زينة البنات..و

الريس حماد بعون الله مش هيخيِّب ظنك....

(لحماد) مش كده ياحماد (حماد شارداً مما يقلق

غالية وتنظر لسليم بتعجب ) مش كده ياحماد

حماد آه كده ..تمام ياسليم تمام

غالية أسيبك للمركب ومعاك دعواتى براحة البال

سليم ماتقلقيش ياست غالية ...إعتبرى المركب بقت

عروسة وفرحها قريب على وش البحر إن شالله

غالية إن شالله يا ريس سليم إن شالله(تدخل وتتركهما)

سليم إنت إيه جرالك ياصاحبى..مالك شارد مش معانا

حماد إنت جبتنى فين يا سليم؟

سليم مالك يا حماد؟

حماد شوفت الهنا يا سليم..تم اللي ناقص وإكتمل بدر

الهوى..لقيته يا سليم لقيته

سليم ينظر حوله باحثاً عن مجهول

سليم إنت مسك جن يا صاحبي ؟.....لقيت إيه؟

حماد حلم بحر العصارى ...الجنيّة السليمانى ياسليم

لقيت الجنيّة

حماد (خارجاً) لقيت الغية يا طيري..لقيت الغية يا

طيري

سليم ( مندهش ) الجنيّة السليمانى ؟!! الجن مسك

ياصاحبي ولا أنت مسك انس؟(ينظر بقلق ناحية

بيت حياة)

إظلام.. بينما يعود حماد العجوز ومحمود للحركة بطرف المسرح تحت إضاءة حلم

حماد وده كان أول لقا..شوفت اللي كنت بدور عليه

ملو عينيها ساكن

محمود حبيتها بسرعة كده؟

حماد الحب ماله زمن ولا تحسب له ساعات.... الحب

رزق القلب..بيصيبه لما ييجى الأوان..ويومها كان

الأوان ولقيت الروح اللي بتمناها..عشقتها في

اللحظة اللي شافتها عنيا..وكإن اللحظة كانت

عمر بحاله عشته ليها ولعنيها..عنيها اللى كانت

أصفى من لون الدهب

محمود وهى؟

حماد شدتني من اللي فات من عمري..وسكنتني جوه

عينيها..روِت العشق بالمحبة لكن الخوف كان

ماليها

محمود كمِّل يا عاشق... كانت خايفه ليه؟

حماد ومحمود يختفيان من المسرح حركياً بينما تدخل حياة على حماد الشاب الذي يعمل في المركب عين الحياة

حماد حياة؟

حياة من طلعة النهار وإنت شغال

حماد المركب شغلها ياما وحالف لتكون أجمل مركبه

مست الموج

حياة شهر وإنت مموت نفسك فيها

حماد المركب دى لازم تبقى أجمل عروسة في البر كله

حياة المركب دى عمرها من عمري..يوم ماتولدت كان

أول يوم تنزل فيه المية ...عشان كده أبويا سماها

عين الحياة

حماد (وهو يعمل ) ومحروسة من العين ياعين الحياة

حياة عرفت م الريس سليم إنك... متجوز

حماد (يترك أدواته بحزن) مش كل متجوز سعيد

حياة ولا كل حر سعيد

حماد جربتى تحلمي؟

حياة اللي بيحلم..بيرمي نفسه في البحر متقيد ومستني

اللي ينجيه م الغرق

حماد لا يا حياة..الحلم دوا النفس..وراحة القلب...

الحلم حرية مش تكتيفة شبك..ضحكة مش دمعة

..أمل مش يأس..الحلم الحياة

حياة خايفه أحلم

حماد جربى حلمي

حياة ماقلتلك بخاف أحلم

حماد أنا بأه طول عمري بحلم

حياة بإيه؟.. المال ولا الجاه؟

حماد بحلم بجزيرة بعيدة عن المال والجاه..جزيرة

مافيهاش كلمةأنا لكن فيها كلمة إحنا...بحلم

بنظرة تقراني ..قلب يحس بوجعى..ترياق

للحزن اللي بيجرى في دمى طول عمري.... بحلم

بحب مالوش حدود وتضحية لآخر مدى..بحلم

بالعدل والمحبة تحكم العباد ...

حياة ولقيت الحلم ده؟

حماد لقيته...بعد مالفيت الدنيا شرق وغرب..لقيته في

عنيكى.... حياة؟

حياة نعم

حماد عمري ماكدبت في إحساسي..ولا حاولت أكدب

أنا عايز أقولك إنى....

حياة إنك إيه يا حماد؟

حماد إنى بحبك... بحبك من أول لحظه شوفتك فيها

حياة إنت بتقول إيه؟!..إنت أكيد بتحلم..أكيد بتحلم

حماد أنا كنت بحلم ولقيت فعنيكى الحلم متفسر ..

الحلم اللي إتهيألى في لحظه إنه مش هايتحقق..

دلوقتى شايفه قدام عنيا

حياة بس إنت....

حماد متجوز.. مش كده

حياة مش دى كمان حقيقة

حماد الحقيقة إني بحبك.. مهما كانت حياتي ومهما

كانت الحقيقة صعبة..إنتي قدري إنتي اللي

عشت العمر أدوَّر عليه فى كل الوشوش ..وكنت

فاكرك جواها لكن لقيتهاأبعد مايمكن عنك...

عايزانى أعمل إيه بعد مالقيتك؟..مستحيل أسيبك

تضيعي من أديا..ده إنتي الروح اللي لمست روحي

وشدتني من غرقتى ...

حياة أنا في عذاب

حماد أنا فداكي

حياة أنا ضعيفة

حماد أنا قوتك

حياة أنا خايفه

حماد أنا الأمان

حياة هيحاربونا

حماد هنقاومهم

حياة هيهزمونا

حماد مش هنستسلم

حياة هيبعدونى عنك

حماد هخطفك منهم ومش بيدى..لا بقلبى..هحكمك

بالحب مش بالغصب..هعملك أميرة مش أمَه ...

هعلمك الشوف ياحلاوة الشوف

حياة (وقد مالت لحماد) عملت فيا إيه؟

حماد حبيتك..... رُديلى عمري اللي ضاع

حياة رد قلبي اللي أتسرق

حماد (محتضن يدها) حياة

حياة حماد

لحظة ويختفى حماد من الإضاءة وتبقى حياة وحدها

حياة جايلى م البر البعيد يملك القلب الوحيد

خادنى م الأحزان لحلمه اللي ما تخيلت أقابله

جاى يداوى الجرح فيا ولا هيزود جراح؟

إظلام

إضاءة على حماد العجوز ومحمود

حماد وخلصت المركب..وبحَّرت بيها في العصارى

محمود إنت وحياة؟

حماد حياة كانت على البر محتارة كانت في إنتظاري

الخوف من النسور لتخطفها خلاها تخاف من

بعادى..بقت عايشة عشان تشوفنى..أمانها مش

بتشوفه إلا فحضنى

محمود وبعدين؟

يخرج محمود وحماد العجوز من الحركة وإضاءة على حياة

حياة يا موجة يا جايه إيه اللي صار فيا

إيه اللي مدارى في القلب والنية؟

عاشقة اللي عاشقنى من نفسي سارقنى

والنسر بيحرجم على هدمة الغية

يدخل سليم يعدل هندامه بتلصص ويقترب من حياة بخفية وهى حالمة حتى تراه يحاول إحتضانها فترتعب

سليم (متراجعاً) أنا ...أنا ...

حياة ريس سليم..رعبتنى خطوتك..فين سلامك قبل

دخلتك يابن الأصول

سليم أنا تايه يانوارة البلد ...مش عارف أعمل إيه

وأقولهالك إزاى

حياة حاير فى السلام !!!

سليم لا ...حاير فى الكلام يانوارة...إنتى مش حاسه

ليه باللى فيا..عملت كل شىء يقولك عاللى فيا

وإنتى ولا هنا ولا دارية بيا

حياة اللى فيك مش فيا ياريس سليم ....وسبق وفهمتك

إنك أخوياوصعب تكون غير أخويا ...

سليم حرام عليكى تعذيب فيا...سنين وأنا نفسى فيكى

مشتهيكى...ساحرانى ياعين الحياة

حياة عين الحياة فى البحر يا ريس..ولساها قايمة

تعيش ..سيبها تعيش وتبحر على هواها ..

وإدعيلها بالخير والنجاة

سليم (بغضب ) بتعشقيه مش كده ؟؟ فيه إيه يزيد

عنى؟؟ ها؟ ده محدش بيشتهيكى قدى

حياة ومحدش بيحبنى قده..هو ده الفرق بينكم ...

إنت مشتهينى ومشتهى عين الحياة وورث اللى

مات ...وهو بيعشقنى عشق الحياة فى كل

الساعات

سليم ورث إيه يابنت المرحوم...إنتو بقى حيليتكم

حاجة ...ده أنا كنت هديكم حاجات وشىء

وشويات ..(بحنين ) بس إنتى ترضى سيبك من

أبو الولد المتجوز وخليكى مع أبو الرجال اللى

إتجنن بيكى(يمسكها غصبا وهى تتراجع) حياة..

أنا عايزك عايزك بكل رجولتى ونفسى أشعرك

بأنوثتك..أنوثتك اللى فاضت عليا وغرقتنى سحر

مش طايق أتحمله لوحدى

حياة إبعد عنى..إبعد عنى..إنت مابتحبش حياة ..

إنت طمعان فى عين الحياة ....

سليم يحاول إحتضانها بالقوة وهى تقاوم ..صوت ضربات وإنفجارات قوية

حياة (تصرخ ) حماد ...إلحقنى ياحماد ...

سليم (يتركها بخوف ) ودينى وماأعبد لحرق قلبك

عليه..وعين الحياة دى هاخودها..فاهمه ...

هاخودها وهخدك خدامة لتراب جزمتى ..

حياة إرحل..إرحل أرجوك..سيبنى أتنفس ده إنت

وجودك خانقنى

سليم أنا ماشى ياحياة..ماشى..بس إنتى إشتريتى

عداوتى بالرخيص قوى ..ومش هسيبك ..ولا

هسيبكم تتهنوا سوا

يخرج بينما حياة تبكى..لحظات ويدخل حماد الشاب على المسرح سعيداً

حماد حياة ..... حياة

حياة حماد..الحمد الله إنك جيت فى وقتك..النسور

كانت هتاكولنى ياحبيبى

حماد مالك ياحياة ؟.. إنتى بتبكى ياروح قلب حماد

يابنت قلبى ودماغى..مين بكَّاكى وأنا أبَّكِى عليه

الخلايق من صراخه مالعذاب

حياة (تبتسم بدموع) لا ياحبيبى ده بكاالفرح برجوعك ..

إنت بأه إيه مفرحك كده ..فرحنى معاك ..محتاجة

الفرحة من يدك ياحبيبى

حماد جايلك مسابق الريح...

حياة وحشتني..الدنيا من غيرك تخوِّف

حماد تخافي وأنا في الدنيا عايش؟

حياة أنا خايفه عليك وعليا

حماد من إيه؟

حياة الدنيا مش هاتسيبنا في حالنا..دلوقتى بقالنا سنة

على ده الحال..والخوف من بكره كل يوم بيزود

الحمل على صدري..والنسور مش طايقة تشوف

يدك حاضنانى وحاكمانى بالحب..عايزه تخطفنى

منك بالغصب

حماد هاتعيشى الوهم تانى؟..قولتلك حبك ماكانش بيدي

حياة ولا كان بيدي يا حماد..لكن أمي عرفت حكايتنا

وليل نهار كلامها يسجني..والزن على ودانها بأه

أكتر من موج البحر عالبر العتيق

حماد كان لازم ييجى يوم والدنيا كلها تعرف

حياة أنا أمي دنيتى.... والدنيا مش عايزانا نفرح سوا..

الكل بيحاربنى..الكل بيتهمنى بالسرقة..سرقتك

من بيتك ونفسك

حماد سرقة ؟ وأنا عندي إيه تسرقيه؟..ده اللي عندي

إنتي بتكمليه..ده أنا قدرت على كل شيء إلا

البعد عنك..شلت كل الهموم إلا هم فرقتك

ماقدرتش عليه

حياة بحبك يا ويلي م الحب ده..يا ويلي م الناس و

الدنيا

حماد يا ويلي لو بحرتى في البحر الغريق ده يا حياة..

بحر الخوف مش بحرنا..إحنا مكانا هناك..

حياة هناك فين؟

حماد عالجزيرة ...جزيرة العشق...بيتنا

حياة (برعب ) قصدك جزيرة الطاعون ؟؟ جزيرة الجن

اللى يخطف القلب من جسم العباد ويحرقه من

لهيب جسمه المارد

حماد لا ياحياة..دى جزيرة طيبة مافيهاش غير الحياة

...إنتى ماتعرفيش قد إيه مشتاقالك ونفسها فى

خطوة قدمك عليها..صخر الجزيرة مكتوب عليه

إسمك وبينادى قلبك تسكنيهامعايا..الجزيرة

هتبقى بيتنا يابنت قلبى يابنت دماغى ..يا آخرة

صبرى

حياة بيتنا ..جزيرة الموت بيتنا ياحماد..ده أنا بترعب

من إسمها.. عايزنى أسكن فيها ؟؟؟

حماد كدب صدقينى كدب ..الموت ناسى الجزيرة و

مايعرفلهاش طريق

حياة وحكاوى الناس عنها..وحكاوى أبويا عن اللى

ماتوا منها

حماد صدقينى وهم..مفيش طاعون ولا فيها غير الصفا

والهدوء وادينى قدامك أهو..شهور ببحرلها مع

كل فجر وبعود مع كل غروب ولا صابنى شىء

حياة مش عارفه ليه خايفه ...

حماد حتى وأنا معاكى هتخافى

حياة (ترتمى بصدره) لا..معاك لا..أنا معاك بحس

الأمان..معاك بعيش أجمل إحساس فى الكون ..

إنت النسور بتهاب حبك ...وتخاف تقربلى

وإنت جنبى

حماد يبقى لازم تيجى معايا..الجزيرة في وسط البحر..

أقرب منها ما فيش وأبعد منها ما فيش

حياة أقرب منها ما فيش وأبعد منها ما فيش؟ إنت

بتقول الغاز وعايز تحيرني

حماد بتحبينى؟

حياة ياااه.... بتسأل؟

حماد طيب غمضي عنيكى

حياة (تغمض) أديني غمضت

حماد يجذبها للمركب

حياة الله..إحنا رايحيين فين؟

حماد الجزيرة

حياة بس يا حماد ....أنا خايــ...

حماد إوعي تكملي..الخوف مالوش مكان بينا ..خلى

المركب تمشى بينا..كفاية عليها رسيت كتير ع

البر

حياة معاك يا حبيبي..مطرح ماياخدنى الموج معاك

يخرجان بينما يدخل سليم الذى ينظر لهما بنظرات الغل ويبدو أنه سمع حوارهما ويتوجه لباب غالية ويطرق الباب مدبراً مكيدة

سليم ست غالية..ست غالية..إفتحى الباب ..إلحقى

العار قبل مايدق باب الدار

إظلام بينما يعود حماد العجوز للحركة وبجواره محمود والإضاءة عليهما والمنار خلفهما

حماد وجينا الجزيرة

(حياة وحماد الشاب يمثلان حوار حماد العجوز بحركة بانتوميم )

حماد وعشنا فيها ساعات.. عدت على ناس سنين وعدت

على ناس ليالي وعدت علينا زي الثواني..بنينا

المنار أنا وهى..حجر بيدي وحجر بيدها..ملينا

المكان بالحب اللي جوانا..ماكانش فيه لحظة خوف

رغم الحقد والجشع اللى فقلوب الناس إلاإننا عشنا

الحلم عشنا السعادة..لكن..جه وقت الرجوع..

ورجعنا وكان الحزن في إنتظارنا

محمود إيه..إيه اللي كان مستنيكم؟

حماد الدنيا ياما بتجرح لكن يومها إتقتلنا وإندفنا بإديها

إضاءة على مركب عين الحياة ترسو على البر...حياة وحماد الشاب يخرجان من المركب

حياة الله على حلمك..الحلم وياك جنة

حماد الحلم بيكى إكتمل..جزيرة المنار هتفضل منارة الحب

لكل الدنيا..والخوف اللى مالى الناس من سيرتها

لازم نحوله لحب..ولازم الكل يعرف إن اللى مالى

الجزيرة ..حلم ..مش طاعون مجنون..ما فيش شيء

يفرقنا عن بعض أبداً..مابقاش فيه سكة رجوع

يظهر سليم وعليه وجهه الغضب

حياة ريس سليم؟

حماد سليم

سليم حمد الله ع السلامة..الدنيا مقلوبة يا حماد..أدخلي

لأمك يا ست حياة

حياة (تجرى مذعورة) أستر يارب

سليم إيه يا صاحبي..بحر العصارى نسَّاك الأصول ..

وخلاص بقيت ملاح مالوش دفه..نسيت إنى اللى

جيبتك البر التانى وجيت تفضح نوارته وتعرنى قدام

الخلق

حماد بحر العصارى دنيتى من زمان يا سليم..وإنت عارف

وبعدين إنت مالك بتكلمنى كده زى ماكون خطفت

جَنْيِة شَبَكْتَك ؟!!مالك ياصاحبى

سليم طيبت مركب الناس وخطفت زهرتهم

حماد حياة دى ملكي أنا..وأنا ملكها ..حلمي اللي حلمت

بيه وإتحقق..أنا ماخطفتش..ده أنا اللي مخطوف ..

أناالأسير مش هيه..أنا اللي غارق وهى اللي تقدر

تشدني

سليم لا..حياة مش ملكك ياحماد..إنت نصيبك مالدنيا

خادته وعايز تخطف نصيب غيرك بطمعك وحلمك

المعسول

حماد أنا ياسليم ؟إنت بتتكلم كإنك غريب مش صاحب ..

إنت ليك إيه فى حلمى عشان تحاربنى فيه

سليم إنت اللى ليك إيه فى عين الحياة عشان تبحر بيها

لوحدك

حماد عين الحياة !وإنت طمعان فى عين الحياة ياصاحبى

ومستكترها عليا ؟أُمال لو ماكنتش إنت اللى جايبنى

وحكيت عن صنعة يدى..ده إنت اللى قلت عين

الحياة مالهاش غير يد حماد اللى تداويها بالحب..

جاى دلوقتى مستكتر عليا أبحر بيها بعد ماشفيت

نفسى وشفيتها من حزنها

سليم (بلهجة الصاحب المصطنعة ) إفهمنى ياصاحبى ...

أنا عايز مصلحتك..الناس كلت وشك ووشى وهى

شايفاك كل لحظة مع نوارة البلد عين الحياة وسايب

بيتك؟ أنا مش طمعان فى حلمك بجشعى..أنا خايف

عليك من نفسك لتدمر عين الحياة بعد ماخلتها أجمل

مافى البر كله بمحبتك..كفاية كده وسيبها..دورك

خلص يوم مانزلت البحر..وادى أجرة تعبك (يعطيه

مالا) سيبها لنصيبها وإرجع بيتك

حماد إنت عايزنى أبنى وأعمر بالحب وإنت تخطف

بالطمع والأنانية!!..جيبتنى أصلح مركب عشان

تدوسنى سقالة وتطلعها لوحدك؟!! خدها..بس مش

هتاخد منى حياة

سليم فوق بأه وإفهم..إنت خدت نصيبك من الدنيا ومحبة

الناس..شهور بحوش الشر عنك وأبعد الأبالسه عن

رقبتك..شيل الجميل وسيبلى حياة أعيشها..حتى لو

طمعان فيها ...خلينى أنول حاجة جنبك ...

حماد وقلبي؟..مالوش حساب عندك؟..إيه اللي جنيته م

الدنيا غير حلم يتيم مالوش ملجأ إلا في خيالي..ويوم

مالاقى لليتيم لحظة حياة تتنصب مشانق الحساب؟

سليم يا حماد إفهم بأه..الدنيا مش بس حلمك

حماد والحلم مش دنيتك يا سليم..أنا حلمي عمري ..

وعمري ماهبعد عنه حتى لو إتحديت العالم كله

سليم إسمع بأه...أنا صبرت عليك كتير ولو مابعدتش عن

عين الحياة هحرمك من نور حياتك ونهايتك هتكون

على إيدى ياصاحبى (يدخل الصيادون فى تحدٍ

خلف سليم)

حماد بس بس..إظهر وبان على حقيقتك ياسليم ...

(للصيادين )إظهروا على حقيقتكم ياكلاب البحر والبر

...ملعون أبوالشعارات الكدابة والعيش على ورث

الغلابه ...ياخسارة صحوبية البحر والبر اللى غشتنى

فيها طول سنين معرفتنا ..إنت مطرود من قلبى ومن

حلمى ياسليم ...إنت مالكش مكان فى عينى أشوفك

بيه.. ولا ليك فى عمرى لحظة ندم على فرقتك

سليم ورينى ركوب أعلى خيلك ياصاحبى ..وأنا بأه اللى

هاقفلك

حماد محدش هيمنعنى عن حياة ولو حوطتنى نسور السما

كلها

الصيادون إنت اللى خنت العهد وبعتنا ..

حماد إنتوا اللى عاهدتوا الشيطان يوم ماأنا عاهدت

الحرية

الصيادون الحرية مش صنعة إيديك

حماد وإنتوا إيه كانت صنعتكم غير الخيانة

الصيادون كبرناك وصغرتنا

سليم أيدناك وسجنتنا

الصيادون حبوك وكرهونا

سليم عملوك بطل وحقرونا

حماد إنتو السبب..إنتو اللى طمعتوا فى المهنة

ماحبيتوهاش ..خونتوا العهود ماصونتوهاش ...

والخلق عايزه المحبة مش الجشع ..وحياة دى

حلمىوأنا اللى حققته بقلبى وداويته بمحبتى

تخرج غالية ثائرة

غالية إسمع يابنى..كفاية اللى شوفناه على إيدك..إنت

مالكش فى حياة ولا شعره لجل تاخدها..وكفاية

إنك خدتها من ورانا للموت وجزيرته..وربنا عالم

البت فبطنها إيه..طاعون ولاعار على روسنا يذلنا

ويجيب دماغنا الأرض

حماد مالها حياة ؟؟ فيها إيه حياة ..أنا مالمستهاش

بِشَر ياغالية أنا مسيتها بقلب عاشق نضيف ومش

ممكن أسيبها

سليم أستر على الولايا يارب من جن الجزيرة و عملة

حماد على الجزيرة

غالية حياة بتموت جوه من عملتك السودا..إرحل

وسيبنا ربنا يسامحك..جيبتلنا الطاعون والعار

على راسنا

سليم العار على راسه ياغالية وعارك إحنا هنمسحه...

الرجالة هيشغَّلوا عين الحياة ويجيبوا الخير لبيت

أبو الخير وأنا رقبتى سداده لنوارة البلد..الست

حياة

الصيادون يقفون أمام المركب كأنهم قراصنة

حماد لا محصلش..أبدا محصلش..ده مش طاعون ولا

عار..ده حب ياناس ياللى بتخافوا مالحب

وعملتوا سيرته أسطورة موت..حياة مش مبطونه

ولا جابت العار من كف يدى لراسكم ...حياة

تعبانه من بعدى ..هتموت لو فضلت هنا ...

وعين الحياة هتغرق على إيد كلاب البحر ..ولازم

آخدها وجواهاحياة..دى حياتى ومش هسيبها

سليم كفايه بأه ...الحياة مش بالعافيه

حماد (يشير للصيادين ) وليه الموت اللى بالعافيه ..؟

ليه عايزين تموتونى وفى إديكم الحياة

غالية خد البحَّار وإرحل من برنا ياريس سليم...وسيبنا

نداوى بنتنا بمعرفتنا..لاعايزين مراكب ولا عشق

... وربنا يستر من اللى جالنا من الجزيرة ...

ربنا يستر ويعوض علينا (تدخل تضرب كف

بكف ) عليه العوض ومنه العوض

حماد لا مش همشى من غير حياة..حياة مش تعبانه

من حلمى ..حياة هتموت لو بعدت عن جزيرتها

جزيرة المنار بتناديكى ياحياة..مش هيخدعوا