ماتت على كفى الحزين
آخر حبيبة
ماتت ولا عاشت سوى
لحظة غرام
شابت على سطح البيوت
أيام غريبة
شابت كما كل اللى شاب
وسط الآلام
مفضلش غير انسان ضرير كاره يشوف
حبه الحقيقى وسط أحضان الغريب
معرفش يهرب أو يقرب أو يكون
غير بس ذكرى
غاوية تسكن فالضلام
أنا كنت منك وقت ماتعلمت أكون
أنا عشت جنبك باللى مقسوم كل يوم
ورضيت أكون مسودة الأيام واعيش
فوق الرصيف اللى مقابل شرفتك
لكن أوان الورد رافض للخلود
صوت الكمانجة يختلف عن لحن عود
النهر نهر الحب لكن مش هكون
عمر الشريف ولا هقدر أمشى فسكتك
ماتت على كفى الحزين آخر حبيبة
ماتت على نهر المحبة
قصتى
0 comments:
Post a Comment