آخر وصايا البحارين

من وحى المنار والبحار (احدى مسرحياتى القصيرة) كانت تلك الرؤية

...........

ولإنه كان حماد وعاشق نور حياة

دور عليها فكل ناحيه واتجاه

واما التقاها لوّن الكون بالغرام

خد من شفايفه ومد ليها الابتسام

والدنيا ليها كلمة تانيه عالقلوب

........
النوّة شدت قلبه من جسمة النحيف
قطعت حبال المركبه
ليلة شتا
بعدت اماله وانفرط عقد الشطوط
معرفش يرسم اى خطوة عالرمال
فجأة انعزل عن كل اقطار المدى
بعنيه بيلمح ضيهم لكن محال
تلمس غناوى برهم صرخة ندا
مافضلش من ايامه الا- كان زمان
مفضلش من احلامه الا- شىء كابوس
يخنق رقاب العمر يسبى ضحكته
يرمى العطاشا جوا منه للبحور
ويموتوا برضو عطشانين تحت السما
يأست شعوب الحلم فيه
دمر جزيرة بتحتويه
كسر بايده برج عالى كان لمركبهم منار
شب الطاعون جواه وفجر معدته
مدد على شط الجزيرة الميته
يكتب بدمه اخر الكلمات وقال
اخر وصايا البحارين

...
متخلونيش جوا الصدور ياهل الضريح
ولا تندموش عالجرح لو مات الجريح
انسوا المنار ولا تطمعوش تاخدوه ميراث
فى البحر مبنى ومش هياخده الا بحر
ولانى راهب للمنار وياه هروح

ولانى ضحيت مالتقيت غير الجروح
فالبحر عشت ومش هموت غير جوا بحر
لايعزى فيا من طرفكم اى حد
ولا يحتوينى دمعكم نوات ومد
الحب خدعه ارضكم وانا بحر ود
دلوقتى همشى وقلبى مرتاح الضمير
........

كنتم سراب انشد ليه انسان ضرير
كنتم خداع شوفناه غلط احلام كتير
و الكبر عمره لم بيسكن قلب حب
خلصت حكاوى البحارين

لاكن حماد لن يموت